D’Branche vun de Wëllefcher aus dem Parc Housen zielt aktuell em déi 25 aktiv Member am Alter vun 8 bis 11 Joer. D’Grondiddi vun dëser Scoutsbranche baséiert op dem Dschungelbuch: Genau wéi de Mowgli, maache sech d’Wëllefcher zesumme mat hirem Ruddel op d’Rees fir nei Erfarungen ze sammelen. Esou léiere si wärend de verschiddenen Versammlungen a Sortie’en net nëmmen d’Natur besser kennen, mee si hunn och d’Méiglechkeet kreativ ze sinn, am Grupp zesumme ze schaffen a vill a Beweegung ze sinn. Fir d’Scoutsjoer richteg ofzeschléissen geet et all Joer op de Summercamp, wou d’Wëllefcher 4 Nuechten an engem Chalet iwwernuechten an vill flott Erënnerungen sammelen.