Ënner der Branche “CaraPio” (Caravellen & Pionéier) versti mir d’Branche fir Jongen a Meedercher vu 14 bis 17 Joer.

D‘CaraPio befannen sech an enger ganz dynamescher Phas vun hirem Liewen. Dës ass gepräägt vu ville Verännerungen op kierperlechem, geeschtegem a sozialem Plang. De CaraPio ass souwuel um Wee sech zu engem jonken Erwuessenen ze entwéckelen, wéi och amgaangen seng eege Perséinlechkeet ze fannen an ze festegen. Eis Method baséiert op den Iddie vum B.P. a bitt de Jugendlechen den ideale Kader fir datt si sech kënnen zu aktiven a mündege Bierger weiderentwéckelen an esou dem Zil vum Guidismus a Scoutismus méi no kommen.