Lass loossen bei de Scouten

 

Lass loossen, an awer nach matschaffen!

Een Artikel vum Jacquel

 

Lass loossen, an awer nach matschaffen!

No 25 Joer Opbau vun eisem Guide/Scoutsgrupp ass et fir mech un der Zäit, als Gruppechef, a meng wuel verdéngte Pensioun ze goen.

Et ware Joere mat Héichten an Déiften, et mécht kee Sënn dorop anzegoen an hei lo alles opzezielen.

Vill, vill Kanner a Jugendlecher hunn ech op dësem Wee kenne geléiert. Eng bëssi besser wéi déi aner, wat bedéngt doduerch war dass se méi laang derbäi waren. Ech hunn kee gäre goe gelooss, well et ass e jo zesummen e Wee vum Liewe gaang.  

Merci well ech heimat iech all soen. Dir all waart fir mech e Stéck vum Grupp. De Chalet steet, een Ënnerdaach ass geséchert. Eise Grupp ass stabil mat enger flotter Chefequipe.

Ech wënsche mengen 2 Nofolger als Gruppechef dem Sylvie a Christiane toy,toy,toy, haalt iech um roude Fuedem fest. Spaant um groussen Netz vun de Verknëppunge mat anere Gruppe weider. Verléiert awer dobäi ni eise Grupp aus den Aen. Sou gëtt en zu eng grousser Famill déi duerch d'ganz Welt sech verbënnt, nëmmen sou kenne mir um Fridde vun der Welt matschaffen.

Ech well iech an Zukunft weider mat menger Ënnerstëtzung erhale bleiwen, an am Grupp vun de "Frënn vun de Scouten" weider matschaffen.

 

Emol Scout, ëmmer Scout
D'lénks Patt
Jacquel