Einfachen Kontakt

Du hues eng Fro a weess net u ween's de se riichte solls?

Dann schéck deng Mail einfach op:

info@lgs-houhou.lu

Am Normalfall kriss du innerhalb vun den nächste 24h eng Äntwert, a falls néideg gëtt deng Mail un déi zoustänneg Chef(tainen) weidergeleet.

 

Eise Chalet

Adress vum Chalet

Lëtzebuerger Guiden a Scouten
Mère Thérèse aus dem Parc

8a, Parc
L-9836 Hosingen

Kontakt 

FAQ

Oft gestallte Froen

Hei fënns du eng Rei Froen déi oft gestallt ginn. Villäicht fënns du jo hei deng Äntwert op deng Fro? Ass dat net de Fall duerfs du eis awer och gären iwwer This email address is being protected from spambots. You need JavaScript enabled to view it. kontaktéieren.

Informatiounen fir nei Member


Ab wéivill Joer duerf ech an d'Guiden a Scouten goen?
Bei eis duerfs du am Normalfall mat 8 Joer ufänken. Mä mer maachen och mol Ausnahmen fir Kanner mat 7 Joer.
Ech sinn un de Guiden a Scouten interesséiert, duerf ech an eng Versammlung kucke kommen?
Du bass wëllkomm! Egal ob am Ufank vum Joer oder während dem Joer, du duerfs zu jiddwer Zäit an eng Versammlung kucke kommen. Du muss einfach kucken a zu wéienger Branche dass du gehéiers an den Datum vun der nächster Versammlung eraus sichen. Du kanns eis awer och eng kuerz Mail schreiwen fir dech fir eng Versammlung unzemellen.
Wat si Branchen?
Bei de Lëtzebuerger Guiden a Scouten ginn d'Altersgruppen a Branchen ënnerdeelt. Bei eis hu mer folgend Branchen:
- Wëllefcher [8-11 Joer]
- AvEx [11-14 Joer]
- CaraPio [14-17 Joer]
- RaRo [17-23 Joer]
Ech wëll mech als Member am Grupp umellen. Wat muss ech maachen?
Fir dech als Member an eisem Grupp unzemellen brauchs du just de Formulair fir d'Aschreiwung auszefëllen an un eis ze schécken: Fiche d'Inscription [*.pdf]
Esoubals du ugemellt bass, kriss du eis Info-Bréiwer geschéckt.
Wéini muss ech meng Cotisatioun bezuelen?
Fir dass du d'Joer iwwer ënnert der Assurance vun de Lëtzebuerger Guiden a Scouten verséchert bass, muss du ee Membersbäitrag bezuelen. Dëst muss am Normalfall ëm de Mount November-Dezember gemaach ginn. Du kriss awer och nach ee Bréif mat allen Informatiounen wann et bis esou wäit ass.

 

Allgemeng Informatiounen


Firwat muss ech eng Cotisatioun bezuelen?
D'Cotisatioun gëtt eemol am Guiden a Scoutsjoer bezuelt, a kann als Membersbäitrag gesi ginn. Ee Member dee seng Cotisatioun bezuelt huet, profitéiert awer och nach vun enger Partie Virdeeler. Hien ass an éischter Linn ënnert der Assurance vun de Lëtzebuerger Guiden a Scouten verséchert, - dorënner fällt souwuel eng Haftpflicht wéi awer och eng Onfallversécherung. An zweeter Linn profitéiert de Member awer och vum Abonnement vun der Zeitung "De platte Knuet" vun de Lëtzebuerger Guiden a Scouten déi e puer mol am Joer eraus kënnt.
Wéivill kascht mech d'Cotisatioun?
Fir Member déi nach an d'Schoul ginn a fir Member déi Chef sinn kascht d'Cotisatioun 15,00€/Joer. Dëst gëllt fir den éischte Member aus enger Famill, all weideren Member aus der Famill profitéiert vun enger Reduktioun. Wanns du also scho Geschwëster an de Guiden a Scouten hues déi méi al si wéis du, da bezills du just nach 12,00€/Joer.

 

Uniform: Hiem & Foulard


Ech brauch ee neie Foulard.
Fir ee neie Foulard ze kréien brauchs du just deng Chef ze froen. Normalerweis hu mer eng kleng Reserve am Chalet. Wa mer keng Foulard'e méi sollten hunn, bestelle mer déi esou séier wéi méiglech no. Du kanns awer och den LGS-Shop an der Stat besichen, sief awer drop higewisen, dass de Shop nëmmen ganz bestëmmten Auerzäiten op ass.
Ech brauch ee neit LGS-Hiem.
Mir maachen e puer mol am Joer eng Sammelbestellung. Fro bei dengen Chef no fir een Hiem unzemoosen a mer bestellen der een Hiem an denger Gréisst.
Wéi bezuelen ech mäi Foulard oder Hiem?
Esoubal s du een Foulard oder Hiem kaft hues, kriss du eng Rechnung vun eis geschéckt. Dës Rechnung ass an den nächsten 4 Wochen op eise Konnt ze iwwerweisen. Mer wëllen dech drop hiweisen, dass mer am Normalfall kee Borgeld méi unhuelen.
Firwat hunn d'Foulard'en verschidde Faarwen, a wat bedeiten se?
Déi eenzel Branchen hu verschidden Foulard'en fir se kënnen ënnerteneen ze ënnerscheeden. De Foulard huet zwou Faarwen: d'Grondfarw Blo an de Rand an der Faarw vun der Branche. Dobäi kënnt dann nach, dass d'Chef een aneren Foulard hunn. Si hunn d'Farw vun hierer Branche op enger Säit mat enger wäisser Sträif op der anerer Säit. Hei nach eemol d'Faarwen vun den Foulard'en:
- Wëllefcher: Giel
- Wëllefcher-Chef: Giel mat Wäiss
- AvEx: Moof
- AvEx-Chef: Moof mat Wäiss
- CaraPio: Rout
- CaraPio-Chef: Rout mat Wäiss
- RaRo: Beige
- RaRo-Chef: Beige mat Wäiss
- Gruppechef: Gro mat Wäiss

 

P.S.: Un dëser Säit gëtt den Ament nach geschafft, a nächster Zäit wäerten nach Froen nokommen.