AvEx

Ee kuerzen Iwwerbléck zu der Branche "AvEx"

 

 

WIEN SI MER ?

Ënner der Branche "AvEx"  (Aventuren & Explorer) versti mir d'Branche fir Jongen a Meedercher vun 11 bis 14 Joer.

Zesumme mat hire Chef treffe Si sech regelméisseg fir interessant an dem Alter entspriechend Aktivitéiten, Spiller wéi och Sortie'en ze maachen, fir d'Natur kennen ze léieren a fir zesumme Spaass ze hunn. Zu de wichtegste Punkte bei den AvEx zielen d'Zesummeliewen a Patrullen, sou wéi d'Kenneléiere vu wichtege Scoutstechniken. Nieft dësen Aktivitéite ginn och mol Weekender a Camp'en mat de verschiddensten Themen organiséiert.

D'Scoutsjoer geet bei dëser Branche mat engem grousse Summercamp op een Enn. D'Liewen um Camp ass den Héichpunkt vum Joer, hei kënnen déi Jonk sech austoben, an alles ausprobéiere wat se am Joer geléiert a gesinn hunn. Sou gëtt zum Beispill um Feier gekacht, mä heifir gëtt als éischt eng Kichen opgebaut. Et gëtt an Zelter geschlof, mä déi mussen och als éischt opgebaut ginn. Fir Owes bei engem Lagerfeier ze setzen, muss als éischt Holz kleng gemaach ginn, an duerno richteg ugefaange ginn. A wann et op den Hike geet, siche mer eise Wee mat Kaart a Kompass.

All dëst, an nach vill méi mécht deng AvEx-Zäit zu engem wichtege Moment an denger Scoutscarrière.

 

WEIDERES...

Eng ausféierlech an detailléiert Beschreiwung zu dëser Branche fënns du an der AvEx-Methode um Site vun den LGS.

• AvEx-Methode [www.lgs.lu]

 

 

MAACH MAT!

Du wëlls een AvEx vun eis ginn? - Kee Problem, du duerfs zu jiddwer Zäit an eng Versammlung laanscht kucke kommen!

D'Datumer an d'Zäite vun eise Versammlunge fënns du hei lénks ënnert dem Menü. Oder am groussen Kalenner vun eisem Site.

 

BEI FROEN...

Hues du nach Froen? - Dann mellt dech ganz einfach bei eis.

 

• Kontakt