Adventskränz

 

Adventskränz

Eis Adventskränz, ganz nom Motto Qualitéit stat Quantitéit! 

 

Am Joer 2013 hunn d'Ranger-Rover vun de Lëtzebuerger Guiden a Scouten Mère Thérèse mat un den Odyssee-Projet'en a Bosnien, Brasilien, Georgien a Senegal Deel geholl. Dës Projet'en hunn eise RaRo awer een décke Batze Geld kascht, an dofir hu mer no enger Méiglechkeet gesicht fir déi jeeweileg Präisser ze kompenséieren.

Well mer Member mat dem néidege Wëssen an der néideger Kompetenz haten, hu mer am Joer 2012 de Projet "Adventskränz" lancéiert. Eis Haaptziler war et de Leit een Adventskranz vun héijer Qualitéit zu engem faire Präis unzebidden. Zu deem hu mer grousse Wäert drop geluecht de Service unzebidden den Adventskranz fräi Heem ze liwweren.

No dräi Joer a Folleg, goufe mer ëmmer rëm fir eis schéin a qualitativ héichwäerteg Adventskränz gelueft. Deelweis hunn eis Adventskränz souguer bis spéit an d'Fréijoer hier Nole gehalen.

D'Qualitéit vun eisen Adventskränz, ass op déi héichwäerteg Nordmannsdännen zréckzeféieren. Dobäi kënnt nach, dass eis Adventskränz eréischt kuerz virum éischten Advent gebonnen an dekoréiert ginn. Nëmmen esou kënne mer een Adventskranz ubidden deen nach frësch ass a gutt no Dänne richt. Fir d'Dekoréiere vun eisen Adventskränz gräife mer op héichwäerteg "Gastronomie-Käerzen" zréck, déi net nëmmen een héije Sécherheetsstandard garantéieren, mä och bei richtegem Gebrauch net Drëpsen. Fir de Rescht vun der Dekoratioun gräife mer op eng Mëschung vun Naturprodukter aus eise Bëscher an engem ausgeglachenen Zousaz vu Floristen-Dekoratiounsmaterial zréck.

 

Och fir den Advent 2017 wäerte mer erëm Adventskränz bannen.